Тулыс. Оштолэзь. Будапештын кемалась ини леленчи тулыс пурысь паркъёсты но гурезьёсты еж вож, выль улонэн тырмем буёлэн пыӵатӥз, гольык,сьӧд карандашен суредам графика кадь адскись, палкышно кадь сылӥсь кайгырись писпуосты тӧдьы, льӧльмыт-тӧдьдьы, нап-льӧль, пиштӥсь ӵуж, нап зынынызы кудӟытӥсь сяськаосын чеберъяз, вылькенлы пӧрмытӥз соосты.
Тае адӟыса, йыре но уг лыкты кадь, дорын лымы, дэри, кот кошкыны чик но уг дырто али шуыса. Нош тужгес но сыӵе дыръя сюлэм уката но кыстаське, пазяське, луллэн жадем, музъем борды думем мугорлэсь пертчиськыса кыдёкы-кыдёкы лобӟемез потэ ук, кылсярысь, сяськаос пӧлы. Доръёс верамъя, ӵужаймы но тани одӥг интыяз пукыны уг чида, таман отчы-татчы ветлэ, пыре-потэ, лёгаськыны ветлыса пырем бераз колошазэ куштыны вунэтэ, дораз бертыны куриське, эсьман, дӥськутсэ но мешоке люка ини, берто шуыса. Со серем ӧвӧл, пеймыт ӟар кезьыт толалтэ ӵукнаосы но шонерак доре бертӥсько шуыса векчи дӥськутэн но одӥг полэс кашамер кышет куен огпол гинэ кошкылэмез ӧвӧл ини, пытьыезъя утчаса шедьтылӥллям сое доръёс, уго асьме палан ик лёгаськонъяз ышыны сюре, йыроме, кыӵе татын мукет гуртэ лымытӥ гушъяса мынон на? Пыр чакланы кулэ сое. Озьы ке но, ӵужаймы милям ӟечок. Туэ солы тямыстон арес тырмиз ини. Оскиськод-а, уд-а но, нош дырлэн шурез ваменэс, аръёсты вуэн гылтыса кадь нуэ ас сьӧраз, туннэ нунал пумен толон луыса кыле адямиослэн йырсазязы. Тани толон гинэ вал кадь со вакыт, куке ми пичи дыръям ӵужай доры берталлямы. Али но пыр бертаськомы ке но, али со али, а пичи дыр - со пичи дыр, воксё мукет вакыт, чылкак музон сямен дунне шоры учкон. Гужем ке - поездэн, попуткаен, папаен мотикен. Мотикен ветлонлы милям кык каскамы вал - вож но горд. Ноку но уг вунэты, кызьы куке но гужем мамаен папаос со каскаосты изьыязы, нош мыным кытысь ке но мунчо лапасысь поттэм, вож чурыт басмалэсь, пелез утён понна пушказ тырем резина наушникъёсын лётчиклэсь шлемзэ юнматӥзы йырам. Кытысь гинэ меда со шлем мунчо лапасамы сюрем? Кыӵе мон возьдаськи соку! Вань адямиос шорам чиньыенызы возьматыса серекъялозы шуыса потӥз мыным. Ох, кыӵе кӧты ӝож вал - пумитъяськи ке но, какой отын - озьы ик куиньнамы турлатӥм каскаосын: мама-папа горд но вож каскаен, мон шоразы паськаса - лётчик-вертолётчик кадь. Али малпасько но - кыӵе меда кепыран-маран ньыль-вить аресъем пичи муртлэн? А тӥни - кыӵе тодам пусшуккет лякем кадь кылем...
Толалтэ нош, буран куазен, куке ваньмыз лымыен согемын, нош сюресъёс усьтымтэ - ӵемгес машинаен берталлям, дыр, лымые пуксьылыса, питранъёс улэ гудӥськыса, пу тырыса. Куке но озьы пуксим вал: пеймыт, ми бусыын, тӧл сэзъя, лымы вожомыса периен бергатэм кадь усе. Кӧшкемыт! Куке но олоку донгам сюреслэн кыкнапалтӥз ӝужыт лымы борддор ӝутӥськемын, пленэ сюремъёс кадь ӝожмыт шӧдылӥ мон асьмемыз соку, верантэм кышкай, кызьы меда татысь потом ини шуыса, папаез жаляса, таӵе кезьытэн но кыре потыса гудӥськоно, выроно, малпаськоно кызьы-кытын-мар, кынтӥськоно шуыса. Одӥг пол сыӵе, мон понна, шимес учыр милемыз шедьтыку, кытысь ке но бусы шорын бадӟым-бадӟым камаз кылдӥз но милемлы юрттӥз вал. Тӥни озьы ми отчы ӵукнаозь ӧм кыле. Хотя, кин тодэ, оло, воксё но со учыр сыӵе кышкыт ӧй вал, оло, со огшоры шурдэм пичи ныллэн омырвӧтъёсыз гинэ сыӵе суредъёслы пӧрмыса син азям султо... Озьы-а, тазьы-а но, мамаелэн сюлмыз котьку но дораз кыске вал, нокыӵе но жобан но ӧз люкетылы солы вордӥськем но будэм юртаз бертыны, нэнэйзэ адӟыны но соку гинэ буйгатскыны.
Ӵужай доры нуись сюрес ӵемысь секыт сётӥське вал ке но, вал отын маиз ке но, мар дораз вуыса сюлэмез няськыт карыны быгатылӥз. Гужем поездысь васькыса урам кузя пыдын мыныкумы мон одно ик ӵужайлэсь корказэ - огпол гинэ ӧвӧл - мукет юртэн суралляй. Шонергес вераса, капкаен. Пыжись шунды улын тузонэн пурӟись музъемез лёгаса мыныку-а, машинаен ортчыку-а, мон шумпотэменым икак луисько вал та ӝужыт, ӵужен буям пу капкаез адӟыса, кудӥзлэн йылысеныз капчи мыняса дораз ӧтьылӥз кадь монэ пуллэсь лэсьтэм шунды. Ӵуж шунды, ӵуж капка, ӵуж-ӵужай... Озьы ке но огвис ортчыса лӧптэм мылкыд пумен куашканы ӧдъялляз, уго соку ик лыктылӥз валатскон, со синпӧет гинэ вал шуыса - мурт песяйлэн выжыкылысь кадь капкаез, кудӥзлэн вадьсытӥз ми котьку но пыратэк отчылӥм. Но со эрекчам возьманъёслэн зӥбетсы ӧжыт дыр куспын выль шумпотон муген тӧлӟытскылӥз: тани ук со - милямез - ӵуж капка, лыз-тӧдьы кеӵевыл гожъёсын буям паськыт пу юбоосын, укно улын вайёссэ вӧл-вӧл лэзьям улмопуэн.
Пыриськод гидкуазе - а отын пыд вые ӝуй-ӝуй потэм гуждор пӧлы, нош пичи гинэ чылк-чылк пу корка сюриськод ке, отын - ӧслэн бур палаз тӧдь-тӧдь муръё сылэ, паллян палаз паськыт корт валес, кудӥзлэн вылаз котьку но буй-буй шуккем тышак, валес шобрет, нош со вылын вить-а, куать-а - кин мед тодоз - пырак вӧлдэтозь быг-быг жутӥськем миндеръёс - воксё "Кӧжы вылын принцесса"-лы дасям кадь ик изён инты. Курень краскаен буям выж вылын куэм выжлёгетъёс кузяназ тыремын, пужыятэм оброс чалма, йӧно тусын ӧжыт мыняса кадь шорад учкись киросэн пужыятэм писейлэн патретэз, борддорын тиккетӥсь час, залэз кышнопаллэсь люкись вӧлдэт улын кыскем, музось сюрись ӝикыт сяськаё басма, куноосты пумитаса выль пӧзьтэм кукей, шыд, сакырен сьӧд чай, ческыт зыно нянь, берлогес вакытэ "Премьера" канфет -ваньмыз та ӵужайлэсь люконтэм суредъёс. Мукет, паймымон, дышем но дышымтэ дунне со, зыныз гинэ со коркалэн мукет - сандыкысь кема кыллем дӥськутъёс сыӵе зын пото - вашкала зын.
Со дышымтэ дуннелэн кузёез ӵужай вал, нош ми - куноос. Туж шер мон кыльылӥ отчы изьыны. Но одӥгез сыӵе тодэ ваён али но син азям пуксе, мон сое вылтырыным шӧдӥсько, зынызлэсь шӧмасько.
Вазь ӵукна. Ӧс куаралэсь сайкасько. Ӵужай ӝик-ӝик дӥсяськыса: вылаз, мон малпамъя, куке но сьӧд, нош табере нуллыса гордалэс пыр бездэм чилясь векчи небыт гоно дукесэн, йыраз шуныт пеймыт кышет керттыса, пыдаз кутчам гынсапегысьтыз лымызэ умой-умой исьнерен ӵужыса - кияз кутыса эстӥськыны пу пыртэ. Бордаз пыӵам, корка пушкы пырем толалтэ юзмыт омыр, - паймымон кадь, - муръёысь ӵынэн, пыжиськем зынэн сураськыса, шуныт, праздник мылкыд кылдытэ, уго, кызьы уд шумпоты - урамын лек кезьыт чепылляське, нош ми доры, кынмем укно пыр серекъяса пиштэ шунды, тӧдьы гурын ӝуась писъёс тӥрс-тарс тачырто, мама - вӧзын, ми соин шуныт небыт буй-буй валесын, нош тани татын ик, вӧзам - кидэ лэзь гинэ, пужейёс уло вож нюлэскын, визьмо синъёсынызы шорад учко - со небыт чиль борддор ковёр ӧте озьы аслаз дуннеяз. Тани со - шуд, куке няськан вӧлдӥське мугор кузя, пыре йыре, малпанъёсы, но гань-гань, востэм, шыпыт шумпотон мылкыд кузьма...
Ортчо нуналъёс, ми будӥськом, но, нырысь учкыса, уд но малпа кадь: куд-ог огшоры учыръёс, огшоры огвисъёс-вакытъёс - мур лэзиськыса сюлэм пушкамы кылё, но дырын-дырын, пӧртэм арбериосын тырмытэм шыкысын бугыръяськыку кадь,соос шуак кытысь ке пыдэсысьтыз пото но ваньмыз сярысь вунэтыто; тӥни соку тон пукиськод - озьы но, тазьы но кияд бергатъяса со паймымон, кемалась вунэтэм мае ке, нош ымнырад, тыныд гинэ тодмо, малы, чалмыт пальышан вордӥське.
Тае адӟыса, йыре но уг лыкты кадь, дорын лымы, дэри, кот кошкыны чик но уг дырто али шуыса. Нош тужгес но сыӵе дыръя сюлэм уката но кыстаське, пазяське, луллэн жадем, музъем борды думем мугорлэсь пертчиськыса кыдёкы-кыдёкы лобӟемез потэ ук, кылсярысь, сяськаос пӧлы. Доръёс верамъя, ӵужаймы но тани одӥг интыяз пукыны уг чида, таман отчы-татчы ветлэ, пыре-потэ, лёгаськыны ветлыса пырем бераз колошазэ куштыны вунэтэ, дораз бертыны куриське, эсьман, дӥськутсэ но мешоке люка ини, берто шуыса. Со серем ӧвӧл, пеймыт ӟар кезьыт толалтэ ӵукнаосы но шонерак доре бертӥсько шуыса векчи дӥськутэн но одӥг полэс кашамер кышет куен огпол гинэ кошкылэмез ӧвӧл ини, пытьыезъя утчаса шедьтылӥллям сое доръёс, уго асьме палан ик лёгаськонъяз ышыны сюре, йыроме, кыӵе татын мукет гуртэ лымытӥ гушъяса мынон на? Пыр чакланы кулэ сое. Озьы ке но, ӵужаймы милям ӟечок. Туэ солы тямыстон арес тырмиз ини. Оскиськод-а, уд-а но, нош дырлэн шурез ваменэс, аръёсты вуэн гылтыса кадь нуэ ас сьӧраз, туннэ нунал пумен толон луыса кыле адямиослэн йырсазязы. Тани толон гинэ вал кадь со вакыт, куке ми пичи дыръям ӵужай доры берталлямы. Али но пыр бертаськомы ке но, али со али, а пичи дыр - со пичи дыр, воксё мукет вакыт, чылкак музон сямен дунне шоры учкон. Гужем ке - поездэн, попуткаен, папаен мотикен. Мотикен ветлонлы милям кык каскамы вал - вож но горд. Ноку но уг вунэты, кызьы куке но гужем мамаен папаос со каскаосты изьыязы, нош мыным кытысь ке но мунчо лапасысь поттэм, вож чурыт басмалэсь, пелез утён понна пушказ тырем резина наушникъёсын лётчиклэсь шлемзэ юнматӥзы йырам. Кытысь гинэ меда со шлем мунчо лапасамы сюрем? Кыӵе мон возьдаськи соку! Вань адямиос шорам чиньыенызы возьматыса серекъялозы шуыса потӥз мыным. Ох, кыӵе кӧты ӝож вал - пумитъяськи ке но, какой отын - озьы ик куиньнамы турлатӥм каскаосын: мама-папа горд но вож каскаен, мон шоразы паськаса - лётчик-вертолётчик кадь. Али малпасько но - кыӵе меда кепыран-маран ньыль-вить аресъем пичи муртлэн? А тӥни - кыӵе тодам пусшуккет лякем кадь кылем...
Толалтэ нош, буран куазен, куке ваньмыз лымыен согемын, нош сюресъёс усьтымтэ - ӵемгес машинаен берталлям, дыр, лымые пуксьылыса, питранъёс улэ гудӥськыса, пу тырыса. Куке но озьы пуксим вал: пеймыт, ми бусыын, тӧл сэзъя, лымы вожомыса периен бергатэм кадь усе. Кӧшкемыт! Куке но олоку донгам сюреслэн кыкнапалтӥз ӝужыт лымы борддор ӝутӥськемын, пленэ сюремъёс кадь ӝожмыт шӧдылӥ мон асьмемыз соку, верантэм кышкай, кызьы меда татысь потом ини шуыса, папаез жаляса, таӵе кезьытэн но кыре потыса гудӥськоно, выроно, малпаськоно кызьы-кытын-мар, кынтӥськоно шуыса. Одӥг пол сыӵе, мон понна, шимес учыр милемыз шедьтыку, кытысь ке но бусы шорын бадӟым-бадӟым камаз кылдӥз но милемлы юрттӥз вал. Тӥни озьы ми отчы ӵукнаозь ӧм кыле. Хотя, кин тодэ, оло, воксё но со учыр сыӵе кышкыт ӧй вал, оло, со огшоры шурдэм пичи ныллэн омырвӧтъёсыз гинэ сыӵе суредъёслы пӧрмыса син азям султо... Озьы-а, тазьы-а но, мамаелэн сюлмыз котьку но дораз кыске вал, нокыӵе но жобан но ӧз люкетылы солы вордӥськем но будэм юртаз бертыны, нэнэйзэ адӟыны но соку гинэ буйгатскыны.
Ӵужай доры нуись сюрес ӵемысь секыт сётӥське вал ке но, вал отын маиз ке но, мар дораз вуыса сюлэмез няськыт карыны быгатылӥз. Гужем поездысь васькыса урам кузя пыдын мыныкумы мон одно ик ӵужайлэсь корказэ - огпол гинэ ӧвӧл - мукет юртэн суралляй. Шонергес вераса, капкаен. Пыжись шунды улын тузонэн пурӟись музъемез лёгаса мыныку-а, машинаен ортчыку-а, мон шумпотэменым икак луисько вал та ӝужыт, ӵужен буям пу капкаез адӟыса, кудӥзлэн йылысеныз капчи мыняса дораз ӧтьылӥз кадь монэ пуллэсь лэсьтэм шунды. Ӵуж шунды, ӵуж капка, ӵуж-ӵужай... Озьы ке но огвис ортчыса лӧптэм мылкыд пумен куашканы ӧдъялляз, уго соку ик лыктылӥз валатскон, со синпӧет гинэ вал шуыса - мурт песяйлэн выжыкылысь кадь капкаез, кудӥзлэн вадьсытӥз ми котьку но пыратэк отчылӥм. Но со эрекчам возьманъёслэн зӥбетсы ӧжыт дыр куспын выль шумпотон муген тӧлӟытскылӥз: тани ук со - милямез - ӵуж капка, лыз-тӧдьы кеӵевыл гожъёсын буям паськыт пу юбоосын, укно улын вайёссэ вӧл-вӧл лэзьям улмопуэн.
Пыриськод гидкуазе - а отын пыд вые ӝуй-ӝуй потэм гуждор пӧлы, нош пичи гинэ чылк-чылк пу корка сюриськод ке, отын - ӧслэн бур палаз тӧдь-тӧдь муръё сылэ, паллян палаз паськыт корт валес, кудӥзлэн вылаз котьку но буй-буй шуккем тышак, валес шобрет, нош со вылын вить-а, куать-а - кин мед тодоз - пырак вӧлдэтозь быг-быг жутӥськем миндеръёс - воксё "Кӧжы вылын принцесса"-лы дасям кадь ик изён инты. Курень краскаен буям выж вылын куэм выжлёгетъёс кузяназ тыремын, пужыятэм оброс чалма, йӧно тусын ӧжыт мыняса кадь шорад учкись киросэн пужыятэм писейлэн патретэз, борддорын тиккетӥсь час, залэз кышнопаллэсь люкись вӧлдэт улын кыскем, музось сюрись ӝикыт сяськаё басма, куноосты пумитаса выль пӧзьтэм кукей, шыд, сакырен сьӧд чай, ческыт зыно нянь, берлогес вакытэ "Премьера" канфет -ваньмыз та ӵужайлэсь люконтэм суредъёс. Мукет, паймымон, дышем но дышымтэ дунне со, зыныз гинэ со коркалэн мукет - сандыкысь кема кыллем дӥськутъёс сыӵе зын пото - вашкала зын.
Со дышымтэ дуннелэн кузёез ӵужай вал, нош ми - куноос. Туж шер мон кыльылӥ отчы изьыны. Но одӥгез сыӵе тодэ ваён али но син азям пуксе, мон сое вылтырыным шӧдӥсько, зынызлэсь шӧмасько.
Вазь ӵукна. Ӧс куаралэсь сайкасько. Ӵужай ӝик-ӝик дӥсяськыса: вылаз, мон малпамъя, куке но сьӧд, нош табере нуллыса гордалэс пыр бездэм чилясь векчи небыт гоно дукесэн, йыраз шуныт пеймыт кышет керттыса, пыдаз кутчам гынсапегысьтыз лымызэ умой-умой исьнерен ӵужыса - кияз кутыса эстӥськыны пу пыртэ. Бордаз пыӵам, корка пушкы пырем толалтэ юзмыт омыр, - паймымон кадь, - муръёысь ӵынэн, пыжиськем зынэн сураськыса, шуныт, праздник мылкыд кылдытэ, уго, кызьы уд шумпоты - урамын лек кезьыт чепылляське, нош ми доры, кынмем укно пыр серекъяса пиштэ шунды, тӧдьы гурын ӝуась писъёс тӥрс-тарс тачырто, мама - вӧзын, ми соин шуныт небыт буй-буй валесын, нош тани татын ик, вӧзам - кидэ лэзь гинэ, пужейёс уло вож нюлэскын, визьмо синъёсынызы шорад учко - со небыт чиль борддор ковёр ӧте озьы аслаз дуннеяз. Тани со - шуд, куке няськан вӧлдӥське мугор кузя, пыре йыре, малпанъёсы, но гань-гань, востэм, шыпыт шумпотон мылкыд кузьма...
Ортчо нуналъёс, ми будӥськом, но, нырысь учкыса, уд но малпа кадь: куд-ог огшоры учыръёс, огшоры огвисъёс-вакытъёс - мур лэзиськыса сюлэм пушкамы кылё, но дырын-дырын, пӧртэм арбериосын тырмытэм шыкысын бугыръяськыку кадь,соос шуак кытысь ке пыдэсысьтыз пото но ваньмыз сярысь вунэтыто; тӥни соку тон пукиськод - озьы но, тазьы но кияд бергатъяса со паймымон, кемалась вунэтэм мае ке, нош ымнырад, тыныд гинэ тодмо, малы, чалмыт пальышан вордӥське.
