Туннэ ӵужай кулэм. Солэн война вакытэ тупам пичи дырыз,  будонэз, сюанэз, вить нылпизэ огназ будэтэмез, колхозын секыт ужамез - ваньмыз та улонлэн книгаяз гожтӥськыса кылиз.
Котьку но солэн корка пушкыз чылк-чылк, бакчаез но юрт котырез утялтэмын, котькытын но порядок пуктэмын вал. Берло нуналъёсы ӵужай борды киыным йӧтскыкум, мон асме вашкала вакытысь выжымы борды йӧткисько кадь потылӥ, уго со адӟылӥз на аслэсьтыз анайзэ, анаезлэсь анайзэ - нош солэн анаез адӟылӥз аслэсьтыз песяйзэ, но озьы пумтэм. Берло валало на дыр, соин валче мынам но улонэлэн кыӵе ке люкетэз весяклы но берам кылиз шуыса. Вождэ эн вай, ӵужай. Простить кар. Лулыд бубыли кадь капчиен Инмар доры мед тубоз.

Хайдусобосло.