Любить тебя.

Любить тебя, обрушить на тебя всю свою накопившуюся нежность, искупать тебя в ней. Смотреть тебе в глаза, смотреть на тебя, чувствуя, что с каждым разом мне хочется этого все больше и больше. Смотреть на твои руки, такие сильные, загорелые, красивые, мужские руки. Обнимать тебя. Чувствовать, как ты обнимаешь меня в порыве нежности, в порыве страсти. Чувствовать тепло твоих губ на моих губах. Доверять тебе, безгранично, с капелькой тревожных, таких женских мыслей – Такой хороший! Такой Родной! Такой красивый! Мой? Навсегда? Да! Да! Смотреть на тебя, когда ты занят своими делами, и с радостью замечать, как время от времени ты находишь минутку взглянуть на меня и улыбнуться своей самой обаятельной улыбкой, напоминая, что всё взаимно. По утрам просыпаться от ласкового шёпота: пора вставать, милая. Прятать лицо на твоей груди, класть голову тебе на плечо, все ещё не желая расставаться с томной негой мягкой постели. А затем… затем смотреть в глаза нашего ребёнка и видеть в них твои глаза. Весь отражающийся в них мир. И наверное… находить в них разгадку мироздания…

                             

Ижевск.

                                                Summer, books and music.

Тунсыко. Вот шуо, сюлэм, пе, интыяз ӧвӧл, яке, сюлэм, пе, кыстаське. Малы меда озьы шуо? Трос сюлмаськиськод ке, сюлэм висьыны кутске. Вот али гожтӥ но валай, кыӵе визьмо та удмурт кылмы – сюлмаськыны кыл но сюлэм кыл бордысь потэм ук, лэся! Нош сюлмаськон - со нырысь ик, шӧдон. Нош марлэн со шӧдонэз?  Тани шуо ук – Инмар, пе, сюлмын. Озьыен, сюлэм кыстаське ке, кытчы ке весь ӧте ке ( льӧльмалпанъёсыз сьӧры), соку со огшоры акылляськон (каприз) ӧвӧл?  Озьыен, сое  Инмар ӧте? Оскем потэ, со озьы шуыса. Тау со адямиослы, кинъёс  нош но нош юртто оскыны, сюлмысь малпанъёс чик дауреесь ӧвӧл шуыса. Ачим но шӧдӥ ини, асэныд ог-кылысь улӥськод ке (раздвоение личности гинэ медам луы!), малпанъёстэ улонэ пыӵатыны турттӥськод ке, буквально инмысь кулэ луись адямиос усьыло, и тон мынӥськод, и даже уд мынӥськы, а адӟиськисьтэм бурдъёс тонэ куто кадь но вань бытовой шуг-секытъёс йылтӥ нуо. Озьы ик мед луоз.

Ижевск.

Мама, шунды но гужем.

Мама… Та кыл мынам валанам пичи дырлэсь люконтэм луэ. Уго со сыӵе вакыт, куке тон пыласькиськод ненег яратон пушкын, куке тонэ чупкаронъёслэсь но вешаськонъёслэсь небыт шобыр бинялтэ, куке тынад льӧльмалпанъёсыд уг висъясько зэмлыклэсь но тон, тӧдьы пуштрес пилемъёс вылтӥ кадь, шумпотыса вамышъяськод улон сюрестӥ. Мама.. та кылэз верамме кылыса кадь, тулыслэн леленчи тӧлыз со вакытысь суредъёсты син азям вуттэ…

Шунды силэн бамме вешаменыз сайкай. Ческыт уммен люкиськыса каллен усьтӥ синъёсме. Али инвожо – котькытын но вож турынлэн но сяськаослэн нап зынзы вӧлмемын. Гужеммм. Шобретэз палэнтыса гольык пыдъёсме муз вылэ лэзи. Коркан чус. Хм. Паймымон. Нош кытын мама? Ӧвӧл. Гидкуазьын шат? Аа, - кыӵе ке шуак чилектэм кадь йырам лыктӥз – со бакча берамы борыяны мынӥз, дыр! Озьы луоз, бен!
Корказе потӥ – шунды серекъяса пыре синме, нош ачиз – сыӵе кескич! – шораз учкыны уг лэзьы – чималиен шудэмез потэ, лэся! Курегъёслэн но мылкыдзы умой, соос шулдыр куткало, атас но соослэсь бере уг кыльы, гульымзэ кесяса чоръя. Тумошоесь ук!
Мамаез утчано. Тани мон бакчае потыса межа кузя васькисько ини. Милям бакча берамы нюкулмы вань – оти, пыдэстӥз, сюбег, лазег шур бызе. Дораз вуыса, вуысь мычиськем изъёстӥ тэтчаса мукет ярдуре потӥ. Татын милям, выжыкылын кадь – ӝуӝыт-ӝужыт гурезьёс агай-вынъёс кадь артэ сыло, нош самой ӝужытэзлэн бамалаз, зэм но – мынам мамае! Мыкырскем но, боры бича, монэ уг адӟы.
Оломар куспын йырам шуак малпан лыктӥз: али паймыто ук мамаме! Чакласькыса, лушкемак тубӥ гурезь вылтӥ. Тани начар куак дорозь вуи но, сьӧраз султыса: Ку-ку! – калленак шуисько. У-ку! – шуккиське куара. Табере мама султӥз но, паймыса котыр утчаське. Шокатэк сылӥсько, сюлэмы йыгаське. Ӧз адӟы! - Куу-кууу! Куу-кууу!!! - серемме мырдэм кутӥсько. Мама номырзэ валатэк огдырлы берыкъяське но, нош ик боры бичаны кутске. Чидатэк ини, мон ватӥськон интыысьтым потыса, дораз бызьыса питыртӥськем небыт кӧт бордаз ӝиптӥськи. - Нош мон малпасько, кин-о меда отын ку-ку шуэ? Тылобурдо кожай ук! – мыняса веша со монэ. Нош мынам пальпотыса ымы пель дорозям ик вуэмын. Паймытӥ ук мамаме! Кык киыным борыез ышкаса, мамалы юрттӥсько - кыксэ ведрае, куиньзэ ымам. 
- Я, туннэлы тырмоз, дыр, ни, нылы – шуэ со, кӧня ке дыр ортчыса шуэ со,  но пал кияз ведразэ кутыса, – бертом ини.
Мон соглаш луисько - пӧсь.
Озьы ми, ваче ки кутскыса, гурезь уллань, шундыен кисьтэм дормы пала васькиськом. 
Шумпотыса.

Ижевск.